【勞力士】史上最年輕世一艾卡拉斯溫網擊敗祖高域　戴隕石面Daytona見證封王時刻

相信網球界都等咗一位超新星出現好耐，講緊嘅係西班牙網球手艾卡拉斯（Carlos Alcaraz）繼美網奪冠，成為男子網球界史上最年輕世界第一後，剛剛就以局數3:2成績，擊敗打算蟬聯5連霸、36歲的祖高域，亦係呢位20歲球手首次溫布頓網球錦標賽上封王。

最新影片推介：

在這個人生咁重要嘅時刻，估唔到艾卡拉斯非常識做，作為勞力士（Rolex）代言人嘅佢，無論領獎定揸獎盃影相，都見到佢手上戴上索價差唔多26萬的黃金隕石面Daytona，非常吸睛，而這枚Daytona在Chrono24.net查找相關款式，已炒至由40萬至84萬不等。

而筆者不得不佩服勞力士早已獨具慧眼，去年1月20日已隆重宣布將呢位超新星羅致旗下。

到9月12日美國網球公開賽決賽，呢位小子亦不負所望，憑住19.4歲之齡贏得冠軍的他，成為男子網球界史上最年輕世界第一，咪話唔犀利！

▼點擊圖片放大

+10

+9

講開又講，艾卡拉斯同費達拿走嘅路都有啲相似，少年已成名，一開始已跟Nike合作，同樣被勞力士看中，亦唔怪得2022年全球收入最高的網球運動員。

他能以1,090萬美元排第10，更曾入選《時代》雜誌TIME 100 NEXT，而剛剛6月又做咗LOUIS VUITTON的品牌代言人了，真係前途無可限量！

記者：黃鑑江